မိတ်ဖက် အဖွဲ့ဝင်များသည် လမ်းကြောင်း (Pathway) အသိုက်အဝန်း၏ အစိတ်အပိုင်းတစ်ခု ဖြစ်လာမည်ဖြစ်ပြီး အောက်ပါတို့ ကို ရရှိနိုင်ပါသည် –

• လစဉ်ထုတ် လမ်းကြောင်းဆိုင်ရာ သတင်းလွှာ (Newsletter)

• ပညာရပ်ဆိုင်ရာ အစည်းအဝေးများနှင့် အဖွဲ့ဝင်ပွဲများသို့ တက်ရောက်ရန် ဖိတ်ကြားချက်များ

• သတ်မှတ်ထားသော လမ်းကြောင်းဆိုင်ရာ အရင်းအမြစ်များကို ဝင်ရောက်ကြည့်ရှုခွင့်

• လေ့လာသင်ယူမှု အသိုက်အဝန်းများတွင် ပါဝင်ခွင့်

• သတ်မှတ်ထားသော သင်တန်းအခွင့်အလမ်းများနှင့် ပညာသင်ဆုများအတွက် လျှောက်ထားနိုင်သည့် အရည်အချင်း

• အများပြည်သူ ပညာပေးရေး၊ စိတ်ကျန်းမာရေးဆိုင်ရာ လှုပ်ရှားဆောင်ရွက်ရေး၊ သုတေသန သို့မဟုတ် လမ်းကြောင်း ဖွံ့ဖြိုးတိုးတက်ရေးတို့တွင် ပါဝင်ကူညီခွင့် အခွင့်အလမ်းများ

• လက်တွေ့ကျင့်သုံး လုပ်ကိုင်နေသော ကောင်ဆယ်လာများ၊ အခြားပညာရှင်များနှင့် ကွန်ရက်ချိတ်ဆက်ခွင့်

မိတ်ဖက် အဖွဲ့ဝင်စနစ် (Affiliate Membership) ၏ ရည်ရွယ်ချက်များမှာ –

• ကောင်ဆယ်လင်းနှင့် စိတ်ကျန်းမာရေးကဏ္ဍကို ပံ့ပိုးပေးသည့် ပိုမိုကျယ်ပြန့်သော ကျွမ်းကျင်ပညာရှင် အသိုက်အဝန်းတစ်ခုကို တည်ဆောက်ရန်။

• ကောင်ဆယ်လာများနှင့် ဆက်စပ်နယ်ပယ်များမှ ပညာရှင်များအကြား ပူးပေါင်းဆောင်ရွက်မှုကို မြှင့်တင်ပေးရန်။

• လေ့လာသင်ယူမှု၊ ကွန်ရက်ချိတ်ဆက်မှု၊ စိတ်ကျန်းမာရေးဆိုင်ရာ လှုပ်ရှားဆောင်ရွက်မှုများနှင့် ပညာရပ်ဆိုင်ရာ ပါဝင်ကူညီမှုများအတွက် အခွင့်အလမ်းများ ဖန်တီးပေးရန်။

• အမှန်တကယ် လက်တွေ့ကျင့်သုံး လုပ်ကိုင်နေသော ကောင်ဆယ်လာများနှင့် ပညာရပ်နယ်ပယ်ကို ပါဝင်ပံ့ပိုးပေးနေသော လက်တွေ့မလုပ်ကိုင်သူများကို အများပြည်သူ ရှေ့မှောက်တွင် ရှင်းလင်းပြတ်သားစွာ ခွဲခြားသိရှိနိုင်စေရန်။

မှတ်ချက် – မိတ်ဖက် အဖွဲ့ဝင်စနစ် (Affiliate Membership) သည် ကောင်ဆယ်လင်း အရည်အချင်းစစ် လက်မှတ် မဟုတ်သည့်အပြင် မြန်မာနိုင်ငံ ကောင်ဆယ်လင်း ဆိုင်ရာ လမ်းကြောင်း (Myanmar Professional Counsellor Pathway) အတွင်း၌လည်း လက်တွေ့ကျင့်သုံး လုပ်ကိုင်နေသော ကောင်ဆယ်လာအဖြစ် အသိအမှတ်ပြုခြင်း မဟုတ်ပါ။