လုပ်ငန်းနယ်ပယ်အတွင်း ဆုံးဖြတ်ချက်ချမှတ်ခြင်းဆိုင်ရာ လမ်းညွှန်ချက်”(Scope of Practice Decision-Making Guideline) သည် ကောင်ဆယ်လာများအနေဖြင့် မိမိတို့၏ ကျွမ်းကျင်မှုအတိုင်းအတာ ဘောင်များကို နားလည်စေရန်နှင့် ကလိုင်းများနှင့် အလုပ်လုပ်ရာတွင် တာဝန်ယူမှုရှိသော ဆုံးဖြတ်ချက်များချမှတ်နိုင်စေရန် ကူညီပေးပါသည်။

ကောင်ဆယ်လာများသည် ကလိုင်းများ၏ လိုအပ်ချက်မှာ မိမိ၏ လက်ရှိလေ့ကျင့်ထားမှု သို့မဟုတ် အတွေ့အကြုံထက် ကျော်လွန်နေသော အခြေအနေမျိုးနှင့် ကြုံတွေ့ရနိုင်ပါသည်။ ဤလမ်းညွှန်ချက်သည် ကောင်ဆယ်လာများအနေဖြင့် အောက်ပါအချက်များကို ပြန်လည်သုံးသပ်နိုင်ရန် စနစ်တကျ ဘောင်ချ၍ ကူညီပေးပါသည် 

• မိမိ၏ ကျွမ်းကျင်မှုအတွင်းမှနေ၍ ကလိုင်းယင့်နှင့် ဆက်လက်အလုပ်လုပ်ရန်
• ကြီးကြပ်လမ်းညွှန်မှု သို့မဟုတ် တိုင်ပင်ဆွေးနွေးမှု ရယူရန်
• ကလိုင်းယင့်အား အခြားကျွမ်းကျင်ပညာရှင်ထံ လွှဲပြောင်းပေးရန်(Referral)

ဤဆုံးဖြတ်ချက်ချမှတ်ခြင်းဆိုင်ရာ စံနှုန်းများ (Matrix) သည် ကောင်ဆယ်လာများအား မိမိတို့၏ လေ့ကျင့်မှုအဆင့်၊ အတွေ့အကြုံ၊ ရရှိနိုင်သော ကြီးကြပ်မှုအထောက်အပံ့နှင့် ကလိုင်းယင့်၏ လိုအပ်ချက် မည်မျှနက်နဲခက်ခဲသည် စသည့်အချက်များကို ထည့်သွင်းစဉ်းစားရန် တိုက်တွန်းပါသည်။

ဤလမ်းညွှန်ချက်သည် တင်းကျပ်သော စည်းမျဉ်းများ ထုတ်ပြန်ခြင်းထက်ကျင့်ဝတ်ဆိုင်ရာ ဆင်ခြင်တုံတရား၊ မိမိကိုယ်မိမိ သိရှိနားလည်မှုနှင့် တာဝန်ယူမှုရှိသော ကျွမ်းကျင်မှုဆိုင်ရာ လက်တွေ့ကျင့်သုံးမှုကို ပိုမိုမြှင့်တင်ပေးပါသည်။ ၎င်းသည် ကောင်ဆယ်လာများအနေဖြင့် မိမိတို့၏ အားသာချက်များကို သိရှိစေရုံသာမက၊ ကလိုင်းယင့်များ၏ ကောင်းကျိုးကို ကာကွယ်ရန်အတွက် နောက်ထပ်အကူအညီ သို့မဟုတ် လွှဲပြောင်းပေးရန်လိုအပ်သည့်အချိန်ကိုပါခွဲခြားသိမြင်နိုင်စေရန် အထောက်အကူပြုပါသည်။